同珠珠在阿怡屋企整的猪肉乾，第一次整嘅，好有色澤呢又多汁又好味，以後唔使帮襯肉干鋪啦！
自家製豬肉乾
材料：梅頭肉2斤，攪碎 、蜜糖適量用來搽肉面
調味料：白砂糖300g、魚露3湯匙、幼鹽15g、生抽5湯匙、料酒1瓶蓋 、胡椒粉5g、
做法：
1. 肉碎加入調味料,然後用手順時針攪拌 到起胶
2.猪肉鋪在鐵盆度,面鋪保鮮紙碌平至2-3 毫米
3.焗爐180預熱10分鐘,中層焗8 分鐘,倒掉猪肉水,搽蜜糖焗12分鐘,然後反轉又再搽蜜糖焗12分鐘、摊凍剪成一块块 !
喜歡食黑椒可以加適量黑椒碎一起調味、仲有喜歡食干身些可以每邊再焗多5分鐘!